上次同成班FD去嘅關西之旅，我又去京都著多次和服啦，但由於已經到左夏天，所以正確黎講應該係著左和服個FD浴衣！
不過今次就冇揀京都市中心嘅和服店，反而去左嵐山，因為我覺得嵐山嘅景色靚啲同冇清水寺咁多人XD
本身係打算喺京都市中心嘅和服店租完和服再撘車去嵐山，但越諗越發覺唔可行，因為著住浴衣撘車又轉車都唔係咁方便，同埋會用好多時間，所以最後我搵到一個完美嘅方案，就係直接去嵐山嘅和服店租浴衣啦XD
我搵到嘅嵐山和服店叫《紅姬》，地點超方便，喺正過左渡月橋之後見到嘅大街，但重點係價錢好平，佢咁岩做緊個15周年Promotion，男女浴衣租借價都係2300YEN咋！當然女仔SET頭係另計價錢，但實質加幾錢我唔記得，大約加1000YEN左右，但呢個價錢係包埋2個頭飾，呢個真係好好，因為我之前租個間同大部分和服店都唔包頭飾嘅～
和服嘅款飾唔少，但講真唔係特別靚，但平平地成班FD一齊著和服喺竹林之下影下啲無聊相都幾開心呀！...
See More
Search